21‏/12‏/2008

زجل لبناني - حفلة بعلبك [1/6]

طليع حمدان حفلة الأردن
هناك تعليق واحد:
التسميات:

03‏/12‏/2008

يا هلا
ألقيَ هذا القصيد يوم الإثنين 08/12/1 بحفل خيري كان كل رعايته تبرع من قاعة (أبو ماهر-جليري)
وفرقة زجل ضمّت كل من : شحاده خوري، وائل أيّوب، توفيق حلبي ونائل صبّاغ لدار أيتام في بيت لحم .
هلا باللّي أجـونا وشرّفونا***وبـدهن لليتامى يدعمـونا
بناصرة العرب حجْزوا تذاكر***حتّى يسعدوكو ويسعدونا
وبشكر كل من عْرِفتو مثابر***وع َ فعل الخير هُمِّ ناصرونا
أوّلـهم إدارة أبـو ماهر***بْقاعـه فخمه همِّ حْتَـرَمونا
ولعزمي رح بقلّك بي ساهر***كرمكم حـاتمي وبتقدرونا
يا شعّار الزجل إنتو أكابر***بهـالخطوه العظيمه سحرتونا
شحـاده، وائل وْتوفيق ظاهر***ونائل بالأغاني يسَيِهرونا
يغنّوا تا يجبروا كل خاطر***وعَ الصّدقـات بتنولو الثوابا
عَ جـنّـاتو سَويِّه تقابلونا

تعقيب ألشاعر اللبناني عقاب اسماعيل بحمد

هلا بمناصر الايتام شاعر =كبير القلب ورقيق المشاعر

تحيه موجها للجوق كلّو = ولكل مساهم وعالخير قادر

بذورك صالح بجنات غلو = ليالي العشر والاضحى يشاطر

هداك الارز من غارو وفلو = وشاحو تمثلو فوق المنابر

بعيونك بسمة الافراح طلو = وشفافك بالصلا لخير البرايا

ولاهل الخيربالصدقه لاقونا

تحية للاخ محمدبوركت هنيئا لك

وأما اليتيم فلا تقهر

الشاعر اللبناني

ابو شوقي

ليست هناك تعليقات:
التسميات:

20‏/11‏/2008

خليل موراني

بمناسبة بلوغه عامه الثمانين يرفع صاحب الموقع محمد علي الصالح ،أسمى آيات التبريك لحضرة المطرب المحبوب ،
ألأخ خليل موراني ونتمنّى له دوام الصحّة والعافية، وبهذه المناسبة أهدي لهُ هذا القصيد الزجلي:

يا عود إطرب عا أحلى المعاني***عَ كلماتي عم يزغرت كماني
وجـــيال العم تحمل رسالة جيل***يـــنقـــــلوها عــا مـَر الزّمان ِ
وكل واحد ينده وينك يا خليل***إنت ِ مــــدرسه بعلــــم الأغاني
ورنـــّـات العتابــا والمواويل***بصوت يصدح من إبن المورانــي
وبعيدك الثمانيـن يا أصيل***رح اكتبلــك من أحـــلى قــصداني
نضويلك الشمعات بالجليل***وتضل البسمه الحلوه عــا شفافـك
وشعـــبنا دوم يبعـثلـــك تــهــاني
هناك تعليق واحد:
التسميات:

19‏/11‏/2008

شعراء ظرفاء

قضيّة
للشاعر (عاطف كلنك) نظرة صائبة في كيفيّة "ربح" القضايا، بين المحامي والصبيّة الحلوة:
المحامي بـ العدليّه***تَ القضيّة يربحها
بـ الجلسه العلنيّه***بيلبس روبو، بيشرحها
بـ عكس الحلوه الصبيّه***العلنيّه بتفضحها
وحتّى تربح قضيّه***كل تيابا بتشلحها
زبون دائم
قال الزغلول للمزين بعد " حلاقة ذقن":
ألله يسلّم هالدّيــات***ويبعتلك متلي زبونات
بتريد الأجره معنّى*** يمّا بتاخذ مصريّات
أجاب المزيّن: " هات معنّى" فقال الزغلول:
يا صاحب إنت المسؤول*** تكفّلت بـ دقن الزغلول
مـــا زال الأجــره معنّى***قــيّدني زبـــونك ع طول
ممنوع
في الإمتحان لقيادة السيّارة، سأله الفاحص: " وين ممنوع الوقوف؟
أجاب أنطون الياس الشمالي:
لفته وبرمه وطلعه وكوع***ما تفاتحني بهالموضوع
مطرح ما بريد بوقّـــف***ما عندي مطــرح ممنوع
ضحك الفاحص، وسأله من جديد:" طيب إذا كنت طالع بطلعه وشمّيت ريحه
بشعه بـ السيّاره من شو بتكون هالريحه؟" أجاب:
عم تسأل عمّك أنطون***وكل سؤال وإلو جواب
هـ الريحه البشعه بتكون***قلّة هيبه من الرّكــاب
ليست هناك تعليقات:
التسميات:

18‏/11‏/2008

عتابا


رح أقطف زتونِك إذا بَدِّك*** وشرب زيتاتو من عصر بَدِّك
وعلى تسويقهن رايح وبدّيك*** قبل غلاّت القرايب والنسب
********************************
قـلتلها خـذيني ومـشـت-فيي
عا شـَرْط عا نورِها مش ت فـَيي
والعرفـت عـنها ..مـِشتفيي
تا تصد عيني عن عيون الـِحـباب

ليست هناك تعليقات:
التسميات:

31‏/10‏/2008

شعراء ظرفاء

إلى مسخ
لو "داروين" طيّب يا شريك**وشافك بالصدفه وشفتو
مأكّد كان استشهد فيك** وأمّن صحّة فلسفتو
مطــارده
ع الكبــسه خدنا المختار**** وتَ ندبّر للخيبه علاج
ضربنا بــ " حصارات" حصار***وما خلـّينا بـ "جاج" دجاج
سيّارة رضا
قال مشال القهوجي في سيّارة صديقه سعيد رضا ، وقد أخذت "تنتّع" فيهما:
هـ السيّاره بـْراغيها ***بـالتنتيع بتعمي العين
الحبلى لو طلعت فيها ***بتطّرّح قبل بـ شهرين
من جفت إلى مدفع
أرسل ميشال قهوجي "الجفت" للتصليح عند صديقه جان فغالي مع الردّة التالية:
حوّلي جفتي مدفع****وشدّ وساوي براغي "الدّيك"
ما بقبل حتّى أدفع****وشو ما بتأمر تَ أعطيك
هــجــوم
سنة 1954 أرسل صاحب الفرن علي نعيم خبزًا إلى صديقه القهوجي، وقد احترق نصفهم (سهوًا).
فأعادهم إليه القهوجي مع هذه القرّاديّة:
تَ تعاديني ما في لزوم****تحرق خبزي وتنساني
رح تجبرني شنّ هجوم****وإحرق "ديك" الفرّاني
ليست هناك تعليقات:
التسميات:

30‏/10‏/2008

يوم المسن

صادف اليوم 30/10 /2008 ذكرى يوم المسن فقامت مؤسسة "الهدف السّامي" لرعاية المسن بدعوتي للإحتفال حيث ألقيت، هذا القصيد تكريمًا للمسنين
لكبار العمر بهديهن قصيدي***تحيّة حب للذكرى الفريدي
ولولا الأفاضل ما طِلعت اجيال***وْلا جيت ساحتكو أنشد نشيدي
ونا أعيَلت وصار عندي اطفال***نادوني بابا، وبعدا يَ سيدي
كنتو شباب وياما قْطفتو اغلال***أيّام كانت بعزّ الحصيدي
وَقفِة رجال الحطّه والِعقال***فدا الأحباب أرواحن زهيدي
تُبذُر وتزرع سهول مع تلال***ومحاصيل الأرِض كلاّ مفيدي
لَـبركـــة ايّامــنا بــهــالـموّال***رجّع حنين الماضي السعيدي
بأوف وعتابا يكون عال العال**تا نطرب سوا والكل يفرح
ويوم الغوالي اليوم أحلى عيدي
ليست هناك تعليقات:
التسميات:

27‏/10‏/2008

مقابلة اذاعية مع نادر ابو تامر-اوراق-

إضغط على الرابط ادناه

http://kazemmawassi.maktoobblog.com/1400698/ابو_الياس_-محمد_علي_الصالح
ليست هناك تعليقات:
التسميات:

22‏/10‏/2008

من رحيق الزجل

جاءت إلي فتاة تمازحني (تتفصحن) برفقة صديقتها، وقالت لي:
أبو الياس... أبو الياس ... رجليك فيهن مسامير لحم!!! مش آآآآآآآآه؟
فقلتُ لها وشّو عرّفك؟، فقالت بَعْرَف( وقد إطّلعت على "شعر ظريف" والذي كتبته بالموقع)،فأجبتها:
حَكيِك كلّو خَباتي*****واللــّي استنتجو ذاتي
شْريكة عُمري إم الياس****والعارف بس مراتي!!!
ليست هناك تعليقات:
التسميات: ,

16‏/10‏/2008

من رحيق الزجل

كتب رشيد نخله عن يوم الثلاثاءفقال:
يوم التلاته شـيـّلو من الدّار**وخلـّفو ب القلب شعلة نار
ريت التلاته يختفي إسمو**ولو نقص من كل جمعه نهـار
أجابه والد الشحرور:
لا تحط ع الأيام كل اللوم**دشــّر الأيـّام مجتمعه
ولو كل مـُغرم راد يحذف يوم**تبقى حياتك طارت الجمعه


قال أمين أيوب لصديق إشتهر بالكذب:
يا صاحب،بين الأجناس***خليفاني مقامك مرفوع

إن صار الصدق معاش الناس***مأكـّد بتموت من الجوع

بعد سيامة والد الشحرور خليل سمعان كاهناً(وصار الخوري لويس الفغالي)قال له أمين أيوب:

بيظهر إنك مش فهمان*** أعجوبة خليل سمعان

وكيف صار الأنسان خوري***والخوري بعدو إنسان

بنطلونك

خطر لجان جلخ(نقيب المحامين) أن يلبس"بنطلون شورت"ويذهب لزيارة صديقهالدكتور شرابيّه ألذي استقبله

।بنطلونك مين قـصـّو؟ ***ليش تـنـّك لابس نصـّو

مار عبدا كان مشـمـّر***مار يوحنا شو خصـّو

أجابه جان:

ليش تَ عليي ت تسطـّا*** بحيث اني كشفت البـطّـه

مار عبدا كان مظلـّط***كتر خيري اللي مغطـّـا

تهمه:
إتـُهم أحد السياسيين باختلاس سبعة ملايين ليره.أنكر،وأقام الدنيا ولم يقعدها.وعندما التقى (شرّابيه)قال لهُ:"شفت، شفت شو هالتهمه الاحقيني فيا."ضحك شرابيّه وأجاب:-
تهموك بسبع ملايين؟***هيدا كفر وقـِلّة دين

مليون بتسرق مكفول*** لكن سبعه؟ كذّابين


مع مطلع العام 1943 زارت سيـّده حسناء ادارة مجلة " الشعر القومي".وبعد دفعها بدل الأشتراك ثلاثة أضعاف،قالت لخليل الحتـّي:"انشالله كل المشتركين دفـّيعه".أجابها"مش كلهم".هزّت برأسهاقائلة:لا بأس احملهم...وكان جواب الحتـّي، هذه المرّه بالزجل:
لحقنا ووقعنا،صار بدنا مرافعه***من شي محامي ع المجله مرافعه

بحمل قدر ما الحمل ممكن ينحمل ***ويا ريت انتي متلهن مش دافعه
قبل انتهاء كلام خليل وصل شحرور الوادي وسمع ، وعرف القصّه فقال:
يا خليل ب حملتك لك الهنا***يمكن بتعطيك هالحمله جـنا

بعدني صاحب مروّه بسعفك***ان كنت فيا تعبان بحملها أنا


أربع ستـّات
إلتقى خليل الحتـِّي، بصديق أبعدته الظروف. وبعد السلام والكلام والعتاب،سألهعن رقم هاتفه. وإذ به يحمل الرقم (6) أربع مرّات.قال الحتـِّي:
ختيرت وقـلّو الهمـّات***وشابو ب الرّاس الشعرات

شبشبت ب تلفونك*** في ب رقمو أربع سـتـّات
أطـــايب
خمس حلوات اجتمعن حول الشـّاعر خليل الحـتـّي،وكل واحده تقول:

" عمو خليل قـلـّي ردّه"، فقال:
يا بنات الأطـايب***فكري برؤياكم صايب

كيف فلـتـّو من الجنـِّه***تخمين مار بطرس غـايب

لسان الحال
مرّة، تأخر طبع أحد أعداد " لسان الحال . فدخل صاحبها رامز سركيس الىالمطبعة غاضباً،وقال للقهوجي:شو يا بو ميشال،بدنا نغني مطالع يمّا بدنا نشتغل؟بدّي يطلع "اللّسان" بسرعه.أجابه القهوجي:
عليي ليش خلقك طالع***مش عم غنـّي مطالع

غمـّض عين، وفتـّح عين***بتشوف "لسانك" طالع
شحــاده
ذهب شحاده خلف لمعايدة جاره الياس القهوجي،وكان شحاده يلبس حذاء جديداًبعد المعايدهقال شحاده للقهوجي:-شو باك يا بو ميشال ما باركتلنا بالصبـّاط؟فقال القهوجي:
جايـيني بنهار العيد***مزهزه يا جاري زياده

ولا بسلي صبـّاط جديد***وجارك صـبـّاطو" شحاده"؟


إلتقى شحرور الوادي بشاعر يحمل بندقيـّة صيد في محله قريبه من وادي الشحرور،سأله: " صرلك زمان هون،مش شايفك متصـَيـّد شي؟" قال الشاعر:

صرلي سبع تماني شهور***ب الضيعه قاعد ناطور

صالي ديــك الباروده***وناطر تَ يمرّ الشحرور

ضحك الشحرور وأجابه:

ناطر شحرور الغادي ***يمـّا شحرور الوادي؟

شحرور الفكرك مـِنـّو *** حارق قلب الصيــّادي.

...ومع علي قال علي الحاج للشحرور:

ب إيدي جفوت المندكه***ما بتــّك ولا تــكــّه

انما صابت جـِنح الشحرور***بيوقع من صوت الدّكــّه

أجاب الشحرور:

جفت مصدّي حديدو***روح زتــّو شو بتريدو

الشحرور الجاي تصـيدو***ياما صيـّادي مبكــّي

زار شحرور الوادي ، وبرفقته زوجته، صديقه طبيب الأسنان جبرائيل صوايا ، وفوروصولهما قال الطبيب:

داعيك شحرور الوادي *** ع طبــّك في لي عاده

أنا ومرتي يا دكتور*** بــــــتحكــِّمنــــا بقـــرّادي

كان الدكتور صوايا ملماً بالزجل، وسريع الخاطر، فأجابه:

يا أسعد سلـِّم راسك*** قديشو صعب مراسك

ما دام العملي أشعار*** ب قبـِّعلك كل ضراسك

رأس المال

كان شحرور الوادي يصطاف في عاليه। زاره جابي البلديـَّه طالباً منه" رسم حراسه"।أخذ الشحرور الورقه،وكتب عليها:

طالب حراسه ب ورقه *** ربـّيت ب قلبي حرقه

البيكون رسمالو لسانو*** شو بيهمــّو من السرقه

قال شحرور الوادي في حفلة على شاطىء البحر:

يا بحر المارق عنـّا***الشحرور قبالك غنـّا

بكره أهل الجاروفي*** بيصطادو قول معنـّى

وقال في حفلة حماسيـّه، كان عدد الردّادي فيها قليلاً:
معتـّر شحرور الوادي***لو بتلبـّي الردادي

عبــّا البحر وسطح الأرض***بيوت معنـّى وقرّادي

شمس
قال شحرور الوادي لحسناء حضرت إحدى حفلاته:
شفت الشمس بيوم الأمس***غابت والقمر طالع

وعنـّا صار شروق الشمس***من غياب الشمس وطالع
.....وعندما غادرت قال:
نور الشمس ودّعنا***فيكي لمـّا تـْطلـّعنا

علينا انشرقت أو غابت***ما عادت تـِفرق معنا


مش مغشوش
لبس ميشال زكـّور الطربوش مدّه من الزمن وفيه قال:
ولا يوم لبست الطربوش***تَ غطـّي شعري المنكوش

لبستو تَ أرضي الموضه***وما كنت بحالي مغشوش

نضوه...!
توجـّه إميل لحـّود لزيارة صديقه القاضي فارس نصـّار في بكفيـّا،فوجد باب منزله مقفلاً، وشاهد على عتبته" نضوه" معلّقه،والنضوة توضع، تقليداً،لاستجلاب الحظ السّعيد.فترك على الباب هذه القرّادية:
علّق نضوه ب باب دارو****بلكي يبيّض نهارو

بعلمك كان معو قرشين****لمـّا علّقها،طــارو
ما كاد نصـّريطـّلع على القرّاديـِّة حتى كتب إلى صديقه:

إنتحس من نضوة بابو****جرّب حظّو بنوّابو

ب النضوه طـارو القرشين****ب نوّابو باع ثيابو

مضاربه

إلتقى إميل لحـّود بصديقه أسعد سابا له :" صاير عم بتضارب علينا يا أسعد"أسعد باستغراب:" بشوعم ضارب عليك يا أستاذ"لحـّود وقال:"ولو،إنت ذكي....وبتعرف".....وعرف أسعد، وأجاب بالقرّادي:

دخلك ليش بتحكي هيك***حــوّا حكيتلي عنـّك

مين بـدّو يضارب عليك***أللــّه ينجـّينا منــَّك
رد لحـّود:
خلـّيها بيني وبينك***خود الرّدّه وجــوابا

أوعـا، أرفع من عينك***عيني يا أسعد سـابا


باقي نص

زار إميل لحـّود بلدة صغبين(البقاع) والتقى بصديق ظريف قصير القامه،
فقال له مداعباً:

حاجي عينك فيي تبص***وحاج ت تلصلص متل اللّص

كل الحق على إمـّك***جابت نصّ، وخلّت نص
ولم تمر هذه المداعبه بسلام، واستلم لحـّود الجواب التـّالي:
ريتو يسلملي تمـّك***ومتل الورده عم شمـَّك

بيي عطي إمـّي النص***ونصّ التاني لإمـّك


ورده وكاس
قال حبيب نصراللّه لإميل لحـّود:
ريتك ورده تشمّك***وع صدري شدّ وضمـّك

والله يا ريتني شي كاس*** حتـّى تردّو ع تمـّك
أجاب لحـّود:
حبيب، عجبتني الفكره*** وعمـّالا رددلا ذكرى

واللّه لو كان تـمـّك كـاس***كيف بفوق من السكره


ضربة قبقاب
سأل شخص إميل لحـّود، عن جرح في جبينه، فقال له:"ما بذكر ، يمكن، يمكن ضربتو ب باب، أو بعمد توتي"، لم يقتنع الكحاله،بالجواب قال:
هي مش من درفة باب***ولا من العمد البتـّوتي

يمكن شي ضربة قبقاب***من شي وحده عـكروتي


مسافه
صعد أحدهم إلى صندوق شاحنة يقودها الكحاله، من دون أن يعلمه أرادالنزول تعذر عليه إبلاغ الســّائق.....وبعد أن قطعت الشـّاحنه مسافة بعيدة عن بيته توقفت وحين علم الكحاله بأمره قال له:

بدّك تركض حتـّى تموت*** وتربـّي بقلبك علـّه

تَ تبقى يا بن العكروت*** تركب من غير ما تقـلـّي


أخبر أحد أصدقاء الكحاله قائلاً:

" زرت أربعة أطباء فقالوا لي:معك ضعف عمومي"।قال له الكحاله:
قالولك ضعف عمومي؟*** هيدي شغله مفهومه

صار عمرك فوق الستين ***إشتاقت ليك المرحومه


شتلات ملاح
دخل يوسف الكحاله إلى "مشتل" في منطقة الشيـّاح، طالباً " شتل بندوره"،وقال لصاحب المشتل:
نقـّيلي الشتلات ملاح***حتى يكون بالي مرتاح

يمـّا بقلك قصيده*** من الكحاله للشـّيــّاح


إلعمله قليله
قال الكحاله، مطالباً أحدهم بديْن استحق عليه ثمن حجارة:

اليوم العـِمله قليله***وبدّي أعطي الشـغـّيله

فتش، بقبش بالجزدان*** قديش فيك تودّيلي!!

فتش ، بقبش بـ الجزدان***ان شالله إنـّو يكون مليان

،ولا تعطـّلنا كيفـما كان*** وشو بيلزملك وصـّيلي!

وصـّيلي، ما فيش خلاف***وحساب الماضي بينشاف

...طبـّقهم ع تلات آلاف***وبعد الكيل بتكفـّيلي


غمـّض عينيك
أوقفت دوريّة سيـّارة مخالفة، كان فيها يوسف الكحالة، فقال لرئيس الدوريـّة:
لا نهبنا ولا عم نسرق*** تَ تصـفـّر وتوقـفـنا

غمـّض عينك تَ نمرق*** حسوب حالك مش شـايفنا


طقم فرنجي
التقى الشّاعر علي الحاج صبيـّة تلبس "طقم فرنجي" وتقلـّد الرجال.قال لها:
لـبستي طقم فرنجي عــال***انشـااللّه ولا عين تصيـبو

بهـ الطقم عملتي رجـّال***الباقي، منين بـدنـا نجـيبـو؟


علقة
حضر علي الحاج ، رحمه اللّه عرس صديق، وعند التهنئة قال للعروس:
تنقـّلي وامشي على مهلك*** حتـّى عصابك حملتو تـِلـْقَى

تخمين كنتي تعذبي أهلك*** تَ علـّقوكي الأهل هالعلقـه؟؟
........وعلـقه
دعا القاضي اميل أبو سمرا الخوري يوسف عون إلى الغداء وحين حضر، قال له،إتـّصل بعلي الحاج كي يحضر ويتناول الغداء معنا.أخذ الخوري ((التلفون)) وقال لعلي:

وين داير يا علي وين***صرلي ما شفتك شهرين

عند القاضي بو سمرا***الملقى: الخوري وأبو حسين

ولمـّا وصل الحاج قال:
علقة عـابد بدّو يحج***مفلـِّس وجيابو فاضي

مش أصعب من علقة حجّ***بين الخوري والقاضي


شريط حذاء
إشترى شحرور الوادي شريط حذاء من محلات هاشم في وادي شحرور،ودفع ثمنه قراديه:
محلات هاشم ب الوادي*** عم بتـصيـِّح وتـنادي

بضاعه رخيصه وسعر منيح*** شريط البوط ب قرّادي
بعد وفاة الشحرور، مرّ علي الحاج، وأخذ من المحل ذاته شريط حذاء وقال:
المرحوم أسعد كان عاداتو*** يشتري شرايط ب ردّاتو

انشاالله تكونو بعدكن لليوم***عم تبيعو ب السـّعر ذاتو


برنيطه
إلتقى الشّاعر علي الحاج بالشّاعر طانيوس الحاج وكان يختار(( برنيطه)) من أحد، المحلات. فقال له علي:
بتغيير الموضى غاوي*** شاعر جبلة ذكاوي

خايف بعد البرنيطه*** تغنـّي معنـّى فرنساوي

أجابه طانيوس:
الموضى مش غاوي فيها*** البرنيطه مستحليها

جبناها خصوصي حتّى*** فيها القرعه نغطـّيها


أحلى صورة:
خـُطفت عروس من (قب الياس) إلى (المنصوره) فعلّق علي قائلاً:
شمس الحرّه المشهوره*** عِطيتنا أحلى صوره

ما غابت من قب الياس***تَ شرقت بالمنصوره


نص لسان

كان طانيوس عبده-أحد أعضاء جوقة شحرور الوادي -يلثغ بحرف الرّاء.
في إحدى الحفلات، قال له رفيقه إميل:

ياطانيوس في ميدانك***حاج مخيّل ع حصانك

ألله مش مقصّر فيك*** قاصصلك نص لسانك
أجابه عبده:
ألله لمّا لساني قص***شال منّو نتفه زغيري

وخلاّ لسانك متر ونص***تَ تكون الضربه كبيري

دخل طانيوس عبده إلى مكتب محام معروف।فاستقبلته سكرتيرة حسناء،بـَهـَره،جمالها।وعوض أن يسألها عن المحامي ، قال لها:

ألله كوّنلك هالقـد***وصار يتمشّى مقابيلك

وتَ جابك حلوه هـ القـد***بيظهر كان مستفضيلك


أخبروا الشيخ شاهين حبيش، أن صديقه شريف أبي نعيم ، أخذ ((تجرة زيت))،إلى السويداء لبيعها هناك ، فبعث إليه مع المخبر:
شريف خبارو شاعو***تاجر، ما أطول باعو

لوكانو زيتاتو ملاح ***كانو ب لبنان انباعو


شيخ
التقى الشيخ شاهين حبيش بالشيخ مالك تقي الدّين ، في مناسبة عائليةعند صديق ،للأثنين.قال حبيش لتقي الدّين:
يا شيخنا في لي عليك مطالبه***وعندي أمل بدّك تلبي مطالبي

سموّك شيخ ولفّة البيضا معك***أو شيخ متلي، والجهاله غالبه؟

ردّ عليه مالك:
يا شيخنا متوحده غاياتنا***ب كل الأمور، مش عاداتنا

تعجّبت كيف سألتني وبدّك جواب***ب المشيخه نحنا سوا تنيناتنا


قايين وهابيل
قال الشيخ شاهين حبيش لصديقه قزحيا فرح ألّذي رزق بتوأم:
هـ التوم الما في زيـّو***قايين وْحـَدّو خـَيّو

ان شالله يعفي عن هابيل***وهـ المرّه يقتل بيّو
ردّ فرح:
الصبي السمّيتو قايين*** وردت انـّو يمحي ذكري

رح إرجع سمّيه" شاهين"***وربـيه مربّى ع فكري


إحتجاج
أقامت جوقة شحرور الوادي، حفلة في سينما سكالا-فرن الشّباك.وكان بينالحضور-فريد مقصود-، ألعائدمن المهجر بعد غيبة طويلة.وقبل أن يقول علي الحاج قصيد الختام،وقف مقصود وقال:
ع المهجر غبي وبحتـج***علْ ما بيعرفش يغنـّي

لمّا رجعت لقيت الحــاج***ورفقاتـو هنـّي هنـّي

أجابه إميل رزق الله:
مين الـعَ الحفله مودّيـك***بـ علمي اللي متلك ماتو

يحرق ديـك الأطلنتـيك***الما طـمـّك ب مـيـّاتو

إلهـوا بينفع
أقـْفـَلَت شبـّاك السيّاره، والتفتت إلى إميل رزق الله لتقول له:(( ما فيي أترك الهوايجي عليي..عرقانه وبخاف أترشح))...فقال لها:
الهـوا بينفع ما بيضر*** للغـزال البـيـسـنـِّك

خـلّي هالنسمات تـمـرّ*** عـليكـي وتتعطـّر منك


نتفة صلا
صعدت راهبة إلى سيـّارة كان فيها إميل رزق الله، وحين أراد دفع الأجرة للسائق،أوقفها إميل قائلاً:
ألله لا يخـيـِّب ظنـّك*** ونفسـك ب الجـنّه هنـّي

سـمـحيلي إدفع عـنـّك***وصليلك نـتـفـه عنـّي

رسم معاملة
قال إميل رزق الله لكاتب عدل طلب منه ((رسم معامله)) مبلغاً كبيراً من المال:
عنـّا لمـّن مات العدل **** صـِرنا نحسد هالماتو

وين العدل وكاتب عدل**** بيمعط شـَلْف رسوماتو


تبرّع

زارت فتاة جميلة اميل رزق الله وطلبت منه التـّبرع لجمعيّة خيريّة، فقال:
كم ليره فرضتي عليْ***للجمعيّه الخيريـِّه

رح أدفعهم كرمالك***مش كرمال الجمعيـِّه


صبـّاط فارس
التقى فارس جبر أنيس عقل في سهرة عند صديق. ولاحظ أنيس أن جبر يسترقالنظر بين حين وآخر إلى حذاء جديد يلبسه، ربما لأول مره.قال له:
فارس بدّو وما بدّو ****ووقت البدّو ما بدّو

مشغول بالو بـ السبـّاط****وكلمن همـّو عا قـدّو

أجابه فارس:
بـ الصدفه جيت بـ عقلين****واحد قرضه، وواحد دين

بـِ صبّاطي كنت بـ همّ****بـِ وجودك صرت بـ همـّين

صار خوري

دخل جرجس الخوري العنداري سلك الكهنوت، في الخمسين من عمره।وكان شاعراً زجلياً سريع الخاطر।التقى به صديقه أسعد السبعلي। وقال ممازحاً:

ست الكنت بتعرفها***وتسهر عندا ليليي

كيف لك عين تعـَرِّفها***وتـْحـِلاّ من الخطيي

أوقفت دورية سائقاً مخالفاً، لتنظيم محضر ضبط بحقّه، وكانت قيمة الضبط خمس ليرات، وللسائق خمسةأولاد هو المعيل الوحيد لهم। فاستنجد السائق بأسعد السبعلي । وكان من بين الرّكاب، فلبـّى، وقال لرئيس الدّوريـِّه:

كْرامة أسعد قـِلّو روح*** ومن وِجـّك شـيل العبسـه

ولا تـْخـلـّي هـ الخمسه تروح*** من درب وْلادو الخمسه

ختيـَرَه
عاد أحدهم أسعد السبعلي، وبعد السؤال عن صحته قال له:
((شو قولك يا أسعد، هيدي بداية الختيره)) ، فردَّ أسعد:
لمـّا بكره بتكبر بـِ السـِّن*** وبـتـرجع للحب تـعـِنّ
ومرقت حلوه مـقـابيلك*** ما فيك تحكي تبقى عـِنّ

نار ودفا
قالت إحدى السيّدات لأسعد السبعلي" ضيعانك تشيب" فقال:
حاجي تقولي يا بنت حوّا***صرنا كبار وشعرنا ضوّا
مهما التلج يعلا ع سطح البيت***بيضل في نار ودفا جوّا

الأطلنطيك
ما ذكر مرة اسم طانيوس الحملاوي، إلاّ وذكرت القرّاديّة التي قالها في اثناءإحدى رحلاته إلى عالم الإغتراب.
.... كان الجو صافياً ، والباخرة تمخر عباب الأطلنتيك بهدوء.فجأة، تغير الجو، أصبح عاصفاً...وهاج الأطلنتيك.
دبّ الذعر في نفوس الركاب،وارتفعتالأصوات. الحملاوي تمالك أعصابه، وقف بينهم وقال ردّته الشهيرةاتي أصبحت علىكل لسان:
بتتمرجل يا أطلنتيك***والحملاوي مسافر فيك
إنـ ألله لقّطني بالبر***ونقفت الدّف بفرجيك
*************
وفي طريق عودته من رحلة ثانية ذكـّر الأطلنتيك ، وقال:
بتتذكـّر يا أطلنتيك*** بـ الماضي شو قايلـّك؟
لا تحرّك ساكن، خلّيك***هادي ، يمّا بتقلّك

بعد الرحله....إنتهت الرحله ، وعاد الحملاوي الى لبنان، وفور وصوله إلى مطار بيروت، قال لرجل الأمن ألّذي بدأ بتفتيش حقائبه।:

ما في داعي للتفتيش *** بعد الرحله المشهوره

راجع دف بلا خشاخيش***والدربكّه مكسوره

سيكاره

دخل الحملاوي على أحد أصدقائه في الإذاعة، طالباً منه سيكارة । فقال له الصّديق:

" كنت رايح لعندك تَ أطلب منّك سيكاره"......ضحكا، وقال الحملاوي:
متلك بِ شرب الدّخــان***بدخـّن لمّن بيصرلي
تعا تنفتـّش عَ إنســـان***يسوكرلك ويسوكرلي

المطرح واسع

جلس طانيوس الحملاوي بين سيدتين في سيارة، طلب سائقها من سيدة ثالثة الصعود إلى جانب إحدى السيدتينفالتفتت إلى الحملاوي وقالت له معتذرة: رح نحشرك، فقال:

انكنتو تلاته يـمـّا تنين *** ومجال السفر شاسع

بتنحطّو ع بـبــو العين *** وبيضل المطرح واسع

سكــّر

إلتقى إميل رزق الله وطانيوس الحملاوي في أحد مقاهي بيروت بحسناء شقراء تلهو بقطعة من السكّر، تضعها تارة على شفتيها ثم تعيدها إلى صحن أمامها، فقال لها الحملاوي:

لا تنسي في عـنـّا قلوب *** من التطليعه بتشوّب

السـّكـر يا شقرا بيدوب *** بس شقارك بيدوّب

لحس لسان
في سهرة جمعت عدداً من الوجوه المعروفة بينها : الدكتور عارف الرّيس، ألقاضي إميل أبو سمرة،ألمحامي ارسلان حاتم، المحامي اميل لحـّودوغيرهم.
دار الحديث حول القضاه والمحاماه، فقال الدكتور عارف:
القاضي قلبه مثل الثلج وحقه علينا بالتكريم .
ضحك الأستاذ أرسلان، وأشار بالسّكوت ثم قال:
الأستاذ إميل أبو سمرا***قاضي من أوّل نمره
فهمنا قلبو مثل الثلج***بس ليش (إجرو حمرا)؟

قهقهه الجميعععع، وتصبب العرق من جبين القاضي، فقال له إميل لحّود:" جاوبو....جاوبو". وأجابه:
ربـّي بالعقل زانك***كيف بتدق باخوانك
بتسأل ليش(اجري حمرا)؟***حمرا من لحس لسانك....!

مطرح دافي

كسرت ظفر إصبعها فآلمها وأخذت تشكو بين الفينة والأخرىالجو جو ضحك وظرف।فقال لها القاضي أبو سمره:

بدّك شي وصفة شافي***تَ يصير الإصبع متعافي

ادهني راسو شويّة زيت***وحطّيه بمطرح دافي

صورة قرحه

أخبر كروان الوادي صديقه بديع مقصود، بعد السؤال عن صحته। ان معه قرحة في المعدة।فقال له بديع: معك وسواس! فانتفض الكروان:" صرت مصوّر 20 صوره وكلّن طلع فيهن قرحة"...وحبكت النكته مع بديع:

ألله يلعن هالصّوره***كيف مطعوجه ومكسوره

آخرتك مستشفى ربيز***وفــــرمشيـّة قـــدّوره

أجابه الكروان:

صورة قرحا وبشعه كتير***ومطبوعة بقلب كتابك

وأبشع منــّا ما بصير***إلا صورة جنــابــك

مين أكذب

برّر الكروان تأخيره عن موعد مع طانيوس الحملاوي بعذر أقبح من ذنب।فقال له الحملاوي:

لولا يكونوالكذّابين***بـ حاجه لريّس جمعيـّه

بتنزل بـ الميّه وتسعين***بتطلع بالميّه ميـّه

أجاب الكروان:

بـ الإنتخاب الجايي***يا ريـِّس بالتصفايه

ما بينزل ضدّك كذّاب***ورح تطلع بالتذكايه

دم الكروان
قال فضّول رمّوز للكروان في مطعم لبنان:
يا صاحب مطعم لبنان*** بـ الخدمه عندك إتقان
لحقني بقنينة بيره***أبرد من دم الكروان
فرد عليه الكروان:
قلّو القنينه بلاها***هي من دمّو معباها
وأبرد منها مش موجود***إلاّ الطالبلي ياها

ليست هناك تعليقات:
التسميات:

15‏/10‏/2008

زجل من فلسطين, حفلة عرابة

هناك تعليق واحد:
التسميات:

14‏/10‏/2008

نعمان الجلماوي وتميم الاسدي

نعمان الجلماوي وتميم الأسدي2
ليست هناك تعليقات:
التسميات:

13‏/10‏/2008

زجل فلسطيني(حفلات الأعراس_حُداء)

موسى حافظ وأخيه جهاد حافظ في حفلة ديرشرف
اكرم البوريني موسى حافظ حداي فلسطينية
ليست هناك تعليقات:
التسميات:

09‏/10‏/2008

بطاقة شكر للأخ الشاعر كاظم إبراهيم مواسي

أنا ع الشّعر حطّوني حراسي*** لأفـرج كل همّْ مـن المآسي
وعندي بالزّجل ذوق ولباقه***وبحور الشّعر دارسهم دراسي
ولمّا اتعرفت عَ ابنِك يَ باقه***بن ابراهيم كاظم المواسي
نسّقلي ديواني عا شكل باقه***من الأشعار لحبابي وناسي
هيك تكون أجمل إنطلاقة***فيها معــرفه وفيها فـِـــراسي
وعَلى التأييد بو إلياس لاقى***قـيمي كـبيري ما إلها مقاسي
ودخلت الموقع بأرقى بطاقه***الإنترنت شْبابيكو فــــتحلي
تا أكتب شعري في ليل الأماسي
التسميات:

تحدي زجل نجيب سجيم وتوفيق حلبي (حفلة الكرمل)

تحدي زجل2 نجيب سجيم وتوفيق حلبي (حفلة الكرمل)
التسميات:

07‏/10‏/2008

إنتظروني

لإخواني ياللّي تشاهدوني***تحيِّة حب من قلبي الحنوني
وكل من زار هالموقع لفى الدّار***ورح بْحُـطّو بتحناني وعيوني
وبهدي لحبابي أجمل الأشعار***تا تكتبو تعليق وتناصروني
وعم بعمل التجديد ليل نهار***وفي كل يوم ضلّو تابعوني
وانا الماشي ع دربي بالمسار***وع هالأفكار بدّي تأيدوني
لأنّو الزجل يا طول الاِعمار***بيجي ع بالي لمّا كون هادي
ورح سجّل أغنيه تا تسمعوني
التسميات:

حفلة البقيعة

حفلة البقيعة الجزء الثاني
حفل تحدي الزجل في البقيعة - الجزء الثالث
حفل تحدي الزجل في البقيعة - الجزء الرابع
حفل تحدي الزجل في البقيعة2007 - الجزءالخامس
حفل تحدي الزجل في البقيعة - الجزء السادس
حفل تحدي الزجل في البقيعة - الجزء السابع
حفل تحدي الزجل في البقيعة - الجزء الثامن
حفل تحدي الزجل في البقيعة - الجزء التاسع
حفل تحدي الزجل في البقيعة - الجزء العاشر
حفل تحدي الزجل في البقيعة - الجزء الحادي عشر
حفل تحدي الزجل في البقيعة - الجزء الثاني عشر
حفل تحدي الزجل في البقيعة - الجزء الثالث عشر
التسميات:

زغلول الدّامور (أبو إلياس)

التسميات:

زغلول الدّامور، وعادل خداج بأريزونا

التسميات:

06‏/10‏/2008

طليع حمدان - ليش عمتتعزبي

التسميات:

طليع حمدان - كانت صغيري

التسميات:

قصيده لابو علي من حفله قديمه في سدني استراليا ...

قصيده لزغلول الدامور رد على قصيدة ابو علي في سدني استراليا ...
التسميات:

زجل لوس أنجلس -زغلول

التسميات:

سهرة زجلية مع طليع حمدان ونديم شعيب وعادل خداج في سدني جزء2

التسميات:

طليع حمدان - ملوك الشعر بقصور الخلافه

التسميات:

افتتاحية المصالحه( طليع حمدان)

التسميات:

سهره زجليه لجوقة زغلول الدامور

التسميات:

طليع حمدان, حني عليي قبل ما تزول أيامي

التسميات:

طليع حمدان دروز الجبل زجل لبنان 01

التسميات:

طليع حمدان - قالت عشيي تعا خدني معك مشوار

التسميات:

طليع حمدان, كبرنا بضلك يا لبنان

التسميات:

طليع حمدان فيكتور ميرزا القسم الاول

التسميات:

طليع حمدان, بحيات عينيكي البحبوني

التسميات:

طليع حمدان, رجعتي

التسميات:

سهرة زجل موسى زغيب و فرقته

التسميات:

طليع حمدان - مافيك تعيش وحدك يا فؤادي

التسميات:

طليع حمدان - مين اللي قال

التسميات:

طليع حمدان فيكتور ميرزا القسم الثاني

http://www.youtube.com/watch?v=EofxhkYWKco
التسميات:

طليع حمدان-ع بيت صار بغيبتك بيجوع

التسميات:

طليع حمدان - نسرين

التسميات:

طليع حمدان, حني عليي قبل ما تزول أيامي

التسميات:

زجل لبناني - طليع حمدان, يا بيروت

التسميات:

زجل لبناني - طليع حمدان, قصيده غزل 1

التسميات:

سهرة زجلية مع طليع حمدان ونديم شعيب وعادل خداج في سدني جزء3ا

التسميات:

السويداء طليع حمدان

التسميات:

زجل : سيّد مصطفى، الزغلول، زين شعيب

التسميات:

السويداء طليع حمدان ج2

التسميات:

سهرة زجل موسى زغيب و فرقته

التسميات:

زجل - حفلة بيت مري ج1

التسميات:

ملك الزجل زغلول الدمور

التسميات:

سهرة زجلية مع طليع حمدان ونديم شعيب وعادل خداج في سدني جزء2

التسميات:

سهرة زجلية مع طليع حمدان ونديم شعيب وعادل خداج في سدني جزء ا

التسميات:

طليع حمدان -حفلة حاصبيّا 93

التسميات:

طليع حمدان (حلوة وغنّوجة)

التسميات:

طليع حمدان (جوق الربيع)

التسميات:

طليع حمدان (أنا شاعر)

التسميات:

طليع حمدان (راحت ع البلاد الأجنبيّة)

التسميات:

زجليّة طليع حمدان لفيروز

التسميات:

طليع حمدان ، إلياس داغر (!) زجل

التسميات:

زجل لبنان ،موسى زغيب ، خاتمة عين سعادة

التسميات:

طليع حمدان ، إفتتاحيّة حفلة النبطيّة

التسميات:

طليع حمدان حفلة حاصبيّا

التسميات:

طليع حمدان ، يابو سياسي سكوت قدي

التسميات:

السويداء ، طليع حمدان حفلة زجليّة

التسميات:

زجل لبنان ، حفلة حبوب، موسى زغيب وزغلول الدّامور

التسميات:

حفلة الكويت ، زين الشعيب ، زغلول، خليل شحرور، طليع حمدان

التسميات:

05‏/10‏/2008

عتابا

ضيف ان دخل عا بخيل معَشـّوش
لأنـّو البخل في ذاتو معشش
وحتّى إن كان الأكل مع-الشوش
بَرَك اللحم بشيلو عا جنب
************
ما عمري قلتلها شو مُرَتَّبِك
ولا سألِت عن مرا لوْ مَرِتْ-بيك
وإذا حاكيتا ما بكون مُرْتبِك
لأنّي ماشي على دروبي صَواب
**************
إذا بنيت البيت يكون الحد مع-سور
وِذْكرِتْ عكّا يكون الذِّكر مع-صور
ألمنا واحد في التحنان معصور
روحين بروح نشيل الإكتئاب
التسميات:

زجل الشاعر محمد علي الصالح " ابو إلياس": عتابا

04‏/10‏/2008

قلت فيهم

بعد أن رزق الشاعر الفلسطيني طلعت شعيبات بإبنة أخرى قلت له:
لو قالوا أبو البنات
رح قـُلـّن فيهن فخور
يا طلعت يا بـْنِ شـْعيبات
عَ راما شعلانه نـــور
**************
بعيد ميلاد الأخ رضا داود قلت:
زيـّنت كل الفضا
وطربت نغماتي ع العود
يا شاعرنا يا رضا
إلك من أجمل ورود
****************
في عيد ميلاد محمد فياض قلت:
لعيدك رح نتجنـّد
ونعبـّي كل الأغراض
في عيدك يا مُحمّد
نفرح لإبن فيـّاض
*****************
في عيد ميلاد الأخ وديع مرجيّة قلت:
واحد وسبعين سنه وزيادي***تحيـّاتي لخير العبادي
يلبقلك تكون كاتب وشاعر***لأنـّك حامل لأرفع شهادي
إلك طول العمر بي سـامر***وديع الزّين يالعندو إرادي
حبّك في قلبي دوم دوم غامر***فرضت الحب واكملت السّيادي
وفي كل مطلب من بو الياس تآمـِر***مكانك بتحناني وفؤادي
لأنّك شخص بالأخلاق نادر***وعالإشكال توقف عَ الحيادي
وعَ فعل الخير يا أوّل مـُبادر***تتسجّل ومنحطّك في القيـادي
رايات السّـِلْمْ يا حامل وشاهر***تنادي الخلاّن تعوا للمحبـّه
لحتـّى نعيش في دار السّعادي
*****************************

ردِّة زجليّة للأَخ محمد علي سعيد ، بمناسبة زفاف نجله "علي".
ألجيزه من أحلى قـِسْمه
والفرحه عندي زيْ العيد
إسمك مطابق لـَسـْمي
بس ناقصني يكون سعيد
*************************
في عيد ميلاد محمد عامرقلت:
رح نغنّي كتير كتير
وبهالفرحه نتسامر
بعيد ميلادك بو الأمير
يفرح البيت العامر
*******************
للأخ الدكتور فاروق مواسي بمناسبة زفاف إبنته "جنى" قلت:
أيـّامــك كلاّ هَنـا
مواسي ،سجّل قيِّد
بهنـّيك ابنتـك جنى
عزيزي يا بو السيّد
*****************
تبريكة للشـّاعر المتألّق نزيه حسـّون (أبو العلاء) على إصدار كتاب،مزامير من سورة العشق.
إنتِ راقي وإنت رشْق
وعَ كتابك أنا ممنون
"مزامير من سورة عشق"
تهنـِّي قلب ابن الحســّون
****************
وليسرى أبو صلاح من جنوب أمريكا قلت:
سيري بعمرك للأمام
وقطعتي الأطلنطيكي
إلسـِّعِدْ لبنت الشـّام
في الجنوب الأمريكي
*******************
وقلت للشاعرة المصريّة شريفة السّيّد:
إللّيلي بدّا تعـَيّد
من كلماتي العفيفـَه
إلك يا بنت السـّيـِّد
شريفه ،من شريفه
****************
ســلسلــه ذهبيـــَّه
ما بتنفعــِك يا بـْنــَيــَّه
بــَدّي بارك ميــلادِك
بـــــردِّاتي الزَجـَلـــيــَّه
*********************
بفرحة الأخ تركي عامر شاعرنا الكبير بخطوبة كريمته "هند"قلت:
رح أكتب عا أوّل بنــد
ألله يزيدلكو البـَرَكه
للعروس الغاليه هــنـــد
وللعامر أخي تركي
****************
بعيد ميلاد الكاتبه أنوار سرحان قلت:
ردّاتي بـدْل الأزهــار
بزيـِّنهـا ع َ الشمعدان
بعيدك يا أروع أنــوار
رح هَنّي آلِ السرحان
*****************
بعيد ميلاد ألشاعر الكبير مجيد حسيسي قلت:
من أجمل أحاسيسي
رح هنّيكو بأحلى عيد
إلك يا بن حسيسي
أحلى بو يوسف مجيد
****************
وللكاتب محمود ماضي قلت:
بدّي أكتب بدّي جـود
وعنـّك ماني متغاضي
كل العـُمـُرْ لَمحمود
أخونا إبن الـماضي
************
وللشاعر فرحات فرحات قلت:
إلك يا زهر الربيع
غنوه أحلى الأغنيات
يالإسمك صار بتربيع
وجمعت الفرحه بفرحات
***************
للشاعر الكبير تركي عامر بيوم ميلاده قلت:
مشْ زهره..وكل جْنيني***ببعث بـّريد
لتركي بوبو عيني *** في يوم العيــد
*********
حبّك في قلبي غامر
يانشيط ويا حـِرْكي
تسلملي يا بن عامر
الغالي علينا تركي
***************
وللكاتبة المبدعة راوية برباره قلت:
جاره تحاكي للجاره
عشو إنتي ناويه
قالت فرح البرباره
بعيد ميلاد الراويه
**************
وللشاعر العربي السّوري عمر المختار ونّوس قلت:
بيوم ميلادك ما بحتار
بقرّادي من دون فلوس
قلبي مع عمر المختار
ألله يديم ابن الــونـّوس
******************
وللكاتبة المغربيّة المبدعة ليلى ناسيمي قلت:
مـَيـْلي جايي عا ميلا
إلها مـْحَبـّه بتكريـمي
كل العـُمـُر لَ ليــلى
ونسيمي لَنــاسيــمي
***************
وللمحامي شاعرنا منير البرباره قلت:
بكلماتي أحلى تعبـيـر
الفكره تضوّيلك حاره
كل العــمــر لمنيــــر
الغالي إبن البـــرباره
***************
وللكاتبة السّورية المقيمة في فنزويلاّ قلت:
الكلّ بْأخلاقك مغروم
ألله يخلّي وألله يديم
وِبْهنّي آل الحاطوم
بْميلادك يا أغلى ريم
****************
وللشّاعر الكبير علم الدّين بدريّة قلت:
خلّي الهمّه قويـّه
ياللّي بتحب القلم
خيي يابن البدريّه
علم من أحلى علم
****************
التسميات:

عتابا


يا حروف الزجل بالأشعار شِدّي***وعا كل موقف بدّي يكون شَدّي
وانا البدافع كل وقِـت شِـدّي***تَ فرّج عنكم من هَـمّ وكـرب
هناك تعليق واحد:
التسميات:

عتابا


يا شعوب العرب هالأبيات عدّي***وعبيوت النشامى بس عَـدّي
وانا حامل من الأزجـال عِـدّه***ما بتنـزان بقناطيـر الذهـب
ليست هناك تعليقات:
التسميات:

30‏/09‏/2008

صور جميلة

ليست هناك تعليقات:
الاشتراك في: الرسائل (Atom)

صورة أصدقاء

صورة أصدقاء
من اليمين: نعيم عرايدي ، كاظم إبراهيم