ستنيتك ع العزومة *** تا يحلا العيش
راحت عليك نومه *** وما عرفت ليش
ـــــــ
ع العزومه بستنّى *** ويحلالي الجو
من قعداتك بتهنّا *** ع انوار الضو
صوتك هالحلو غنّا *** زاحلّي السوّ
وانا البعطيك فنا *** تا مِنّي عيش
ـــــــ
ستنيتك عالعزومة *** وما عملت حساب
ما في عليّ لومة *** وما عندي جواب
كنت بوقتا مهمومه *** بحسب الاِسباب
فكاري بذهني مكتومة *** يالله معليش
ـــــــ
هالعزومة بلاكي *** يا أغلى حبيب
ما بتسوى وقاعد باكي *** حظ ونصيب
بهاي السهره لولاكي *** ما كان ترتيب
قدام هيبة حلاكي *** ما وقف جيش
ليست هناك تعليقات:
إرسال تعليق